Donald Trump mund të mos njohë rezultatin e zgjedhjeve të 8 nëntorit nëse ato nuk dalin ashtu siç ai e mendon. Kështu është shprehur kandidati republikan në debatin e tretë për zgjedhjet presidenciale përballë Hillary Clinton.
“Do t’ju them kur të të vijë koha. Do ju mbaj në suspancë”, i është përgjigjur Trump gazetares së Fox News, e cila e pyeti nëse ai do ta pranojë Clinton si Presidente nëse ai do të humbasë.
Ndërsa nga sondazhi i publikuar nga agjencia amerikane e lajmeve CNN në bashkëpunim me ORC, fituese doli Hillary Clinton.
52% e shikuesve të debatit kanë votuar pro kandidates demokrate si fituese, kundrejt 39% që votuan për Trump.
Mbrëmjen e djeshme u bë dhe debati i tretë e i fundit presidencial që u shoqërua me debate të ashpra mes dy kandidatëve.
