Zgjedhjet në Maqedoninë e Veriut/ Shqiptarët fitojnë 33 deputetë. Vetëm BDI merr 16

KSZH ka publikuar 96% të rezultateve të përpunuara nga votimet e djeshme në zgjedhjet e parakohshme parlamentare në Maqedoninë e Veriut.

Nga afër 96% të rezultateve të përpunuara, LSDM është fituese e këtyre zgjedhjeve me 36.13%.

Pas saj radhitet VMRO-DPMNE me 34.65%, e cila është humbësja e këtyre zgjedhjeve.

Ishte një vit i vështirë, por viti tjetër do të jetë edhe më keq –

Diella, krijesa që po përvëlon të atin

2025, viti që “tronditi” planetin! Nga rikthimi i Trump tek Papa i ri dhe luftërat, ja 10 ngjarjet më të rëndësishme në botë –

Nga rajoni në shtëpinë e babagjyshit në Finlandë, ku do të ‘arratisen’ shqiptarët këtë fundviti? –

BDI në kampin shqiptar ka fituar 11.72%, ndërsa pas saj radhitet koalicioni ASH – AAA me 8.85%.

Pas këtyre partive kryesore, E Majta radhitet me 3.96%, ndërsa pas kësaj vijon PDSH me 1.57%.

KSHZ nuk ka dhënë detaje zyrtare se si do të jetë shpërndarja e mandateve të deputetëve në bazë të këtyre rezultateve, por Televizioni Telma ka bërë simulimet e saj duke u bazuar në të dhënat e KSHZ.

Sipas këtyre të dhënave Koalicioni Mundemi i udhëhequr nga LSDM ka fituar 45 deputetë, VMRO-DPMNE 44 deputetë, BDI 16 deputetë, koalicioni ASH – AAA 12 deputetë, E Majta 2 deputetë dhe PDSH 1 deputet. Por, këtu duhet shtuar Lëvizja Besa, e cila garoi në koalicion me LSDM-në dhe ka marrë 4 mandate.

/Agjencia e lajmeve INA/