Mëtonjësi për Presidenti i Shteteve të Bashkaura, Joe Biden është fare afër numrit të 270 zgjedhësve të mëdhenj. Ai ju drejtua me një fjalim kombit nga vendlindja e tij Wilmington e shtetit të Delaware.
Në këtë fjalim që u prit më shumë kërshëri gjatë gjithë mbrëmjes së djeshme Biden nuk e përmendi kundërshtarin e tij Trump: “Jam krenar që fituam në Arizona dhee Georgia”.
Më tej, ai shtoi: “Po e fitojmë këtë garë. E di që numërimi po ecën ngadalë, por pas ço numri, pas çdo vote është një njeri dhe një histori. Duhet t’i dëgjojmë zërin e gjithkujt. Demokracia funksionon. Të gjitha votat do të numërohen. Do ta fitojmë këtë garë me një shumicë të qartë”.
Në fjalën e tij ai flet me përgjegjësitë e një presidenti: “Do të punojmë pa u lodhur për të gjithë. Kemi vetëm një Amerikë. Kundërshtarë ndoshta, por nuk ka armiq. Mosmarrëveshjet e mëdha sjellin debate të thella”.
Në krah të tij Joe Biden kishte Kamala Harris, e cila do të jetë zëvendëspresidentja e Shteteve të Bashkuara.
“Së bashku me zëvendësen time, teksa presim rezultatet, nuk po rrimë duarlidhur. Na e keni dhënë mandatin dhe do të reagojmë që ditën e parë për COVID-in dhe ekonominë, klimën dhe ndaj racizmit sistematik”.
