Ka nisur sot raundi i dytë të zgjedhjeve lokale në Kosovë. KQZ lajmëroi se të gjitha qendrat e votimit u hapën në orarin e duhur dhe se janë marrë që të gjitha masat që procesi i balotazhit të zhvillohet në mënyrë të rregullt.
Votimet zhvillohen në 19 komuna të Kosovës, mes të cilave edhe në Prishtinë.
Mediat në Kosovë raportojnë se procesi zgjedhor është i qetë dhe nuk pritet ndonjë pjesëmarrje e jashtëzakonshme e qytetarëve në zgjedhje, megjithëse nxitjet që të votojnë nuk kanë munguar.
Presidenti Thaçi nuk do të kryejë detyrën e tij qytetare të votimit, pasi gjendet për një vizitë zyrtare në Kanada.
Por përmes një mesazhi në rrjetet sociale, Thaçi përgëzoi partitë politike dhe kandidatët për fushatën dinjitoze elektorale, ndërsa shoqërinë civile dhe mediat për angazhimin dhe raportimin korrekt.
http://top-channel.tv/2017/11/19/zgjedhjet-lokale-ne-kosove-sot-raundi-i-dyte-i-votimit/
