Kreu i Partisë Drejtësi Integrim dhe Unitet, Shpëtim Idrizi deklaroi gjatë një interviste për Televizionin Fax News, në emisionin “Natë me Xhaxhiun” deklaroi se, 2.2 miliard euro të taksapaguesve shqiptarë shkojnë në duart e pak personave.
Ai tha se gjatë qeverisjes së Edi Ramës rreth 500 mijë shqiptarë janë larguar nga vendi dhe 60% e atyre që jetojnë në Shqipëri duan të largohen nga vendi.
“2.2 miliard euro të taksapaguesve shqiptarë shkojnë në duart e pak personave. Verifikimi i mazhorancave zgjidh krizën politke të krijuar. Nga mungesa e besimit dhe shpresës 60% e shqiptarëve duan të ikin nga vendi. Nuk ka shëndetësi falas, po i jepet me koncension privatit, fondet shkollore për arsimin po i jepen privatit. 500 mijë shqiptarë kanë ikur gjatë viteve të fundit, familja shqiptare sot jeton me 5 mijë lekë të vjetra të ardhura në ditë”.
Idrizi tha se PDIU kishte 76 000 vota në zgjedhjet e kaluara dhe marrëveshja që bëri Rama me Bashën sipas tij, solli deformimin e votës, duke argumentuar se “paratë e krimit të veshur me pushtet ndikuan në këtë deformim e votës, dhe këtë e kanë deklaruar edhe ndërkombëtarët të cilët kanë thënë se është ndërhyrë dhunshëm në deformimin esaj. Ne po tregojmë se jemi shumë të zotët për ti krijuar krizat”,deklaroi ndër të tjera Shpëtim Idrizi.
Lidhur më kërkesën që ka parashtruar vazhdimisht opozita gjatë ditëve të fundit për të shkuar në zgjedhje të parakoshme, Idrizi tha se kjo është diçka që do të ndodhë patjetër. Ai argumentoi se kjo qeveri don të bëjë pushtet dhe jo shtet dhe sipas tij, vendi ynë nuk ka provuar asnjëherë të një situatë të tillë.
Kreu i PDIU-së tha gjithashtu se, Rama po fiton kohë për të shkuar drejt zgjedhjeve të parakohshme.
