Partia Socialiste ka depozituar pranë KQZ-së dokumentacionin për regjistrimin në zgjedhjet e pjesshme lokale të datës 6 mars ku do të votohet për zgjedhjen e gjashtë bashkive pa kryetarë.
Nga ana tjetër nuk ka ende asnjë reagim nga PD për regjistrimin, ndërsa ish-kryeministri Sali Berisha ka deklaruar se mbështetësit e tij do të futen në zgjedhje, por në mbledhjen e fundit, KQZ i bëri të qartë mbështetësve të Berishës se ajo njeh përfaqësues nga PD-ja zyrtare dhe asnjë kandidat tjetër.
Më herët, KQZ ka vendosur që afati i fundit për regjistrimin në zgjedhje është 31 janari, ndërsa fushata nis më 19 shkurt, ndonëse pati kontestime nga PD për të nisur më herët.
