Sekretarja e PDIU, Mesila Doda e ftuar në studion e ABC News ka folur rreth zgjedhjeve të 25 prillit, listave si dhe koalicionet.
Gjatë fjalës së saj Doda u shpreh se sot në kemi një pushtet të vetëm dhe jemi de facto në vitin 1990.
“Ka një anomali të madhe pasi jemi 7 muaj para zgjedhjeve dhe ende nuk e dimë formulën me të cilën do të hymë në zgjedhje. Është kryeministri i cili ka dëshirë ta tërheq zvarr vendin në pasiguri në të cilën ai krijoi. Këtu për fakt të keq kemi një anomali pasi sot ne kemi një pushtet të vetëm dhe jemi defakto në vitin 1980 dhe ajo është Rilindja, jo PS. Partia Drejtësi Integrim dhe Unitet është një parti specifikike pasi ka prioritet Çështje Kombëtare, dhe sot çështja kombëtare po bërtet nga të gjitha krahët sepse nga të gjitha krahët kemi një agression të fort, ndaj për të gjithë ata shqiptarë që i dhemb akoma çështja kombëtare e cila ekziston dhe nuk ka të bëjë me akuzat e ndërsjellta. Besoj se është rasti që të gjithë ne të kthejmë sytë nga partitë që kanë koherencë për çështjen kombëtare”, u shpreh Doda.
Sa i përket, “ofertës” me të cilën do të cilën opozita synon që të marrë pushtetin, Doda thotë se premtimi kryesor është kthimi i normalitetit në vend.
“Qëllimi kryesor është largimi i Edi Ramës dhe krijimi i të gjitha mundësive për një Shqipëri normale. Dhe këtë ai nuk e ndalon dot as me ndryshime formulash, as me ndryshime zonash. Çfarëdo që të bëjë ai pakënaqësia ka mbërritur në nivele që nuk ka pasur ndonjëherë ndonjë qeveri. Nuk është thjesht çështja e pandemisë, e tërmetit, është çështje e një korrupsioni dhe vjedhje endemike që po ndodh, edhe në këto kushte ku jemi”.
