Në mbledhjen e Grupit Parlamentar Ramë është ndalur tek zgjedhja e Presidentit të ri. Ai tha se për këtë zgjedhje nuk do përsëriten gabimet e të shkuarës, por do të pyeten edhe qytetarët.
“Komplikimi i skajshëm të PD, na e bën të vështirë të gjejmë adresën se ku do e kërkojmë dialogun dhe do e zgjedhë ky grup Parlamentar. Do mendojmë për mënyrën si të këshillohemi me qytetarët për këtë vendimmarrje. Të zgjedhim opinionin e njerëzve, të presidentit apo presidentes së re. Se një histori tregon se e kanë degraduar institucionin. Do gjendet mes nesh. Mund të jetë edhe jashtë vendit. Do japim mundësinë që për 5 vitet e ardhshme të ketë një njeri normal” tha Rama.
Kujtojmë se vetë mazhoranca ngriti një komision për hetimin dhe shkarkimin e presidentit, ndërsa pasi ky vendim kaloi dhe në Kuvend, përgjigjja përfundimtare i mbetet Gjykatës Kushtetuese.
