Sekretari i Partisë Socialistë, Damian Gjiknuri i ftuar në emisionin “Top Story”, tha se nga opozita priste më shumë serioziet gjatë procesit për zgjedhjen e Presidentit. Ndërsa kërkesës së kryetarit të Grupit Parlamentar të Partisë Demokratike, Enkelejd Alibeajt, i cili kërkoi që takimet mes mazhorancës dhe tyre për zgjedhjen e presidentit të jenë transparente dhe të zhvillohen në praninë e kamerave, Gjiknuri u shpreh se vendime të tilla merren jashtë kamerave dhe emrat s’kanë pse të dalin në publik.
“Prisja më shumë seriozitet nga opozita në procesin e Presidentin, emrat s’kanë pse të dalin në public. Transparenca është e nevojshme por kur diskutohet për emra. Lidershipi i vërtetë është si i merr vendimet jashtë kamerave. Ke fuqi, ke autoritet atëhere. Eksperienca është për emrat. Unifikon qëndrimin për 1-2-3 emra dhe zgjedh. Për mendimin tim nuk duhen nxjerrë në publik. Ka një shkërmoqje dhe e kam thënë me kohë është fillimi i fundit të procesit. Ky procesi shkërmoqjes do të shkaktojë më tej pr shkak të mungesës së lidershipit” – tha Gjiknuri.
