Zgjaten sërish me tre muaj hetimet për ish-Ministrin e Brendshëm, Saimir Tahiri. Pas dy shtyrjesh të mëparshme, prokuroria as nuk e ka dërguar për gjykim ish ministrin Tahiri, as nuk ka pushuar çështjen ndaj tij.
Në momentin kur pritej që Prokuroria e Krimeve të Rënda të vendoste mbi fatin e procedimit penal të nisur ndaj ish-ministrit të Brendshëm, hetimet u shtynë sërish.
Saimir Tahiri akuzohet për trafik narkotikësh në kuadër të grupit të Habilajve, që u godit në Itali.
Afati i hetimeve nga zgjatja e fundit përfundon në 17 janar. Hetuesit kanë administruar deri tani përgjigjet e letër-porosive të mbërritura nga Greqia Italia dhe Mal të Zi, por pritet që të vije edhe përgjigjia e një letër-porosie që është dërguar së fundi në Itali.
Në këto vende, Tahiri ka kryer disa lëvizje me disa nga personat që janë në të njëjtën dosje hetimore me të.
