Presidenti Ilir Meta e ka nisur fjalimin e tij përpara mijëra qytetarëve që kanë dalë në shesh me shprehjen “Zëri i popullit, zëri i Zotit”.
Meta tha se jemi sot këtu, se asnjë nga ne nuk mund ti qendrojnë anash grushtit të shtetit, jemi këtu që ti qendrojmë në ballë grushtit të shtetit, unë si ushtar i parë i Republikës.
“Presidenti i popullit kuqezi ulet në gjunjë vetëm përpara popullit kuqezi, popullit të shqiponjave. Këtë duhet ta dëgjojë mirë grupi i puçistëve, që duan të rrëmbejnë dhe institucionin e fundit që ka mbetur i pa kapur. Neni 2 i Kushtetutës që iu votuan në 1998, thotë që sovraniteti në Republikën e Shqipërisë i përket vetëm popullit! Ndaj iu kam ftuar jo si Ilir Meta, por si presidenti juaj, për të dëgjuar zërin tuaj, sepse kur institucionet bjenë, ngrihet populli, dhe populli nuk mundet që të jetë nën kthetrat e oligarkëve. Jemi këtu sepse Shqipëria është kundër grupit të vogël, të tradhtarëve, të puçistëve dhe të oligarkëve, që si kësula pinë çdo ditë gjakun e popullit tonë me koncensionet. Jemi vendi i parë në botë për kostot e autostradave, që i kemi më të shtrenjta se të gjitha vendet e botës. Unë si president i kam rrëzuar publikisht këto dekrete që synojnë grabitjen e Shqipërisë. Ata kërkojnë tashmë që të rrëmbejnë edhe Gjykatën Kushtetuese që krimet e tyre të mbeten të pagjykuara. Jemi sot këtu, se asnjë nga ne nuk mund ti qendrojnë anash grushtit të shtetit, jemi këtu që ti qendrojmë në ballë grushtit të shtetit, unë si ushtar i parë i Republikës”, u shpreh më tej Meta.
https://www.facebook.com/ilirmetazyrtar/videos/281911042781620/?epa=SEARCH_BOX
