Dy vëllezër nga Mallakastra janë arrestuar, pasi akuzohen për kultivim të bimëve narkotike. Sipas uniformave blu ata javë vënë në pranga gjatë operacionit të koduar “Tentativa”.
Të arrestuarit janë identifikuar me emrat Shkëlqim Hoxhaj dhe Ramadan Hoxhaj.
Policia jep detaje se, në oborrin e banesës së Shkëlqim Hoxhaj gjetën të kultivuara bimë të dyshuara narkotike cannabis sativa, të cilat u asgjësuan me anë të djegies. Gjithashtu, gjatë kontrollit në banesën e tij u gjetën rreth 2.8 kg lëndë e dyshuar narkotike cannabis sativa, në proces tharjeje.
Si rezultat i kontrolleve, në kuadër të operacionit “Tentativa”, në tentativë për t’u larguar, u bë e mundur kapja dhe arrestimi i Hoxhajt që iu gjetën bimët e kultivuara dhe lënda narkotike në banesë.
Në vijim të kontrolleve, u kap dhe u arrestua në flagrancë, duke ujitur bimët narkotike të kultivuara në tokën e tij edhe vëllai i tij Ramadan Hoxhaj, 51 vjeç .
