“Shtëpitë e barit” duket se tashmë janë kthyer në kulturë dhe mënyrë që shqiptarët e përdorin për biznes.
Metoda është bërë e njohur në Angli por duket se shqiptarët janë duke e përhapur kulturën e kultivimit të kanabisit në të gjithë Evropën.
Së fundmi policia greke ka vendosur në pranga tre persona midis tyre edhe një shtetas shqiptar për kultivim kanabisi në Larisa.
Në pranga janë vendosur një 62-vjeçar së bashku me djalin e tij 24 vjeç dhe një shtetas shqiptar 53 vjeç. Ndërsa është shpallur në kërkim një 29-vjeçar nga Larisa.
Policia ka konfiskuar rreth 12 kilogramë kanabis, ndërsa ka konfiskuar edhe përbërësit e kultivimit hidroponik që autorët kishin vendosur në bodrumin e një shtëpie në fshatin Sotiricë.
