Ministria e Mjedisit ka shprehur rezerva në dhënien e lejes për ndërtimin e hidrocentralit të Holtës. Pavarësisht kësaj Agjencia Kombëtare e Zonave të Mbrojtura pranon se ndërtimi është pranë kanioneve, por shton se është jashtë zonave të mbrojtura. Gjithsesi pas protestave të banorëve dhe të ambientalistëve deputetët e PS shprehen se kanë kërkuar anulimin e lejes.
Në dokumentet për marrjen e lejes vërehet dhe një përplasje mes institucioneve. Madje drejtoria teknike në ministrinë e Mjedisit ka shprehur rezerva mbi situatën. Bazuar në koordinatat e dhëna mund të preket një kanion është e nevojshme të merret mendimi i administratës së zonës së mbrojtur.
Ndërsa Drejtoria Rajonale e Mjedisit, qarku Elbasan, shprehet parimisht dakord. Nga ana tjetër agjencia kombëtare e zonave të mbrojtura pranon se është kërkuar rishqyrtim i situatës për zbatimin e projektit HEC Strori.
Por në kthimin e përgjigjes konstatohet se bazuar në raportin teknik dhe koordinatat e ndryshuara nga subjekti konstaton se sipërfaqa e kërkuar për zbatimin e këtij projekti ndodhet jashtë monumentit të natyrës “Kanioni i Holtës”.
Madje shtohet se meqenëse projekti do të zhvillohet pranë monumentit të natyrës kërkojmë nga subjekti të respektojë kuotën e veprës së marrjes dhe depozitimit i inerteve të kryhet jashtë kanionit.
Pavarësisht kësaj Agjencia e Zhvillimit të territorit ka miratuar lejen e ndërtimit e cila mban firmën e kryeministrit Rama dhe ministrit Gjiknuri
Ndërkohë protesta e ambientalistëve dhe banorëve të Gramshit për kanionët e Holtës vuri në lëvizje deputetët. Opozita kërkon anulimin ndërsa 7 deputetët e maxhorancës kanë ndërmarrë nismën për të kërkuar verifikimin e procedurave.
https://www.facebook.com/24eri/videos/2475109779165837/
http://www.oranews.tv/article/zbulohen-dokumentet-e-perpaljes-se-ministrive-kanionet-e-holtes
