Lule në kohë tërmeti dhe koronavirusi… Bashkia e Durrësit në këtë kohë të vështirë, po merret seriozisht me prioritetet kryesore që karakteriozjnë Rilindjen, fasada. Bashkia ka shpallur një tender për të blerë bimë dekorative, plot 83 milionë lekë (të vjetra).
Tenderi me objekt “Blerje pemë dekorative” mban datën 18 nëntor 2020, si afat për dorëzimin e ofertave nga të interesuarit.
Bashkia e Durrësit ka specifikuar se duhen 77 llojeve të ndryshme lulesh. Ndërkohë, nuk ka informacion se për zbukurimin e cilit prej ambienteve të qytetit do të përdoren bimët dekorative.
Bashkia e drejtuar nga Emiriana Sako nuk ka shumë para për tenderë, pas largimit të Vangjush Dakos, mikut dhe bashkëpunëtorit të afërt të kryeministrit Rama. Megjithatë, ku ka rrjedhur do të pikojë!
Pas dorëheqjes së tij, për implikimin në përgjimet e dosjes së manipulimit të zgjedhjeve, janë larguar disa kryetarë dhe nënkryetarë. Opozita ka deklaruar se largimet e tyre lidhen me çështjet e tenderëve për plehrat, që kryeministri Rama kërkon t’i sjellë në Tiranë dhe t’ia japë koncesionarit të Sharrës. Para këtij problemi, është lule ky tenderi i luleve të Sakos./TPZ.al/
