Zbardhen deklaratat e pasurisë të firmosura nga gjyqtarja Enerjeta Shehaj në 2016, e cila po synon një karrige në gjykatën e Lartë.
Në deklaratat e saj të pasurisë dhe të bashkëshortit prokuror në Lezhë, ajo që bie në sy, është fakti se çifti i bashkëshortëve deklaron miliona lekë cash të marra hua jashtë sistemit bankar.
Referuar deklaratave të pasurisë, rezulton se Enerjeta Shehaj në vitin 2009, ka marrë kredi në shumën 40 milionë lekëve, me interes të pandryshuar për 24 muaj si dhe bono thesari. Kredia është marrë me afat 20 vjecar, për blerjen e një pasurie të paluajtshme. Këtë kredi deklaron se e ka shlyer tërësisht, pasia shtëpia u ble nga një bankë e nivelit të dytë në vlerën e 33 mln lekëve.
Shehaj thotë se ka lidhur kontratë huaje me bankën dhe në total do të paguajë shumën e 33 milionë lekëve. Sakaq shton se banka mban cdo muaj nga paga e saj, këstet e kredisë, por nuk saktëson sesa është shuma që i ka mbetur pa shlyer.
Po ashtu deklaron se i shoqi i saj prokuror në Lezhë, ka marrë hua në vitin 2013, 14 mijë euro. Këtë shumë nuk e ka shlyer, deri në momentin që ka firmosur deklarimin e bërë përpara vettingut.
Gjithashtu gjyqtarja tha se ka marrë në vitin 2009 një tjetër hua në shumën e 25 milionë lekëve, nga të cilat ka shlyer vetëm 2 milionë lekë.
Më 16 qershor 2020, ajo iu nënshtrua Komisionit të Pavarur të Kualifikimit dhe tashmë për të ka nisur procesi i vettingut, me përparësi, për shkak të kandidimit të saj në gjykatën e lartë.
