Byroja e Hetimit do të varet nga Ministria e Brendëshme deri në momentin e miratimit të reformës në drejtësi. Projekti i hartuar me ndihmën e ekspertëve amerikanë, parashikon këtëzgjidhje, në mënyrë që Byroja e Hetimit të nis funksionimin sa më shpejt. Zëri i Amerikës ka mësuar se projektligji parashikon që deri në miratimin e Reformës dhe ngritjen e institucioneve të parashikuara prej saj, Byroja të jetë fillimisht pjesë e strukturave policore dhe pas kalimit të reformës në drejtësi të përfshihet në strukturën e njësisë së posacme anti korrupsion.
Nga ana tjetër, deklarimet e përfaqësuesve të qeverisë kanë qenë të ndryshme lidhur me projektligjin. Një javë më parë, ministri i Brendshëm Saimir Tahiri u shpreh se puna vazhdonte ende, dhe se ishte në fazën përmbyllëse. Ndërsa sot kryeministri Rama në parlament deklaroi se “ne e kemi mbaruar punën tonë”.
Armand Mero, VOA
