Mediat italiane zbardhën sot detaje mbi trafikun ilegal të pasaportave italiane.
Këta persona janë zbuluar nga Policia e qytetit të Romës të cilët çuan gjatë orëve të fundit në ekzekutimin e urdhër arrestimit ndaj 11 personave, mes të cilëve dhe një shtetas shqiptarë si dhe 3 funksionarë të Insitutit Shtetëror Poligrafik e Ministrisë së Financave.
Sipas mediave italiane aktiviteti i këtij trafiku administrohej nga dy organizata; një organizatë shqiptare e një organizatë afrikanoveroire me bazë në qytetin e Romës e të Napolit e me lidhje në Paris, Belgjik e Turqi.
Shtetasi shqiptarë i arrestuar identiteti i të cilit ende nuk është bërë i ditur, konsiderohet një nga eksponentët e organizatës së shqiptarëve, e që këkronte një pagesë prej 3-4 mijë euro për cdo pashaportë të shitur.
Pika e referimit e këtyre dy organziatave ishte një berber me origjinë nga Algjeria, 40 vjcari Mohamed Chouli Salah, rezident në provincën e Salernos.
Këto dy organizata furnizonin kundrejt një pagesë që shkonte deri më 3-4 mijë euro me pashaporta italiane, karta identiteti e kode fiskale, qytetarë të huaj nga Siria. Afganistani Kenia e Irak.
Nisja e hetimeve
Ndalimi dy vjet më parë më 14 maj të 2014 në aeroportin e Fiumicinos në Romë, të një shtetase shqiptare që udhëtonte për në Montereal të Kanadas me një pashaportë të skaduar në identitetin e një shtetase italiane, ka ndihmuar autoritetet policore në zbulimin e një trafiku dokumentash fallso nga Italia drejt Sirisë, Afganistan, Kenia e Irak.
Falë hetimeve, Policia italiane ka zbuluar një aktivitet kriminal që merrej me shitjen klandestine të pashaportave italiane të nxjerra jashtë përdorimit.
Baza e kësaj organizate ishte qyteti i Romës dhe i Napolit, me lidhje në Paris, në Stamboll e në lagjen Molenbeek të Brukselit.
Me anë 3 shtetasve italianë punonjës në Istitutin Poligrafik të Shtetit e në Ministrinë e Financave, grupet kriminaloe riciklonin pashaportat e skaduara italiane për t’i shitur më pas në mënyrë ilegale në Siri, Irak, Kenia e Afganistan.
Hetimet kanë zbardhur pagesën prej 1600 -1800 euro që merrnin punonjësit e Institutit Poligrafik për cdo pashaportë të shitur e të nxjerrë jashtë përdorimit nga shteti italian për shkak të një defekti në mikrochipin elektronik. Vlera përfundimtare e blerjes së pashaportave nga ana e emigrantve apo peronave që kërkonin të hynin në Europë, shkonte deri më 3-4 mijë euro.
Pasaporta falso për të furnizuar terroristët islamikë?!
Sipas prokurores së çështjes Vilma Passamonti, nuk ka ende elementë që të vërtetojnë se këto pasaporta u janë shitur fanatikëve xhihadistë të përfshirë në ngjarjet tragjike të shkakatura së fundmi në Europë. Por përgjimet telefonike kanë vërtetuar se këto pasaporta janë përdorur për të transferuar në Europë persona nga zonat e luftës në Siri, Irak e Afganistan e Kenia
Prokuroria e Romës vazhdon hetimet për zbardhjen e plotë të aktivitetit të këtyre grupeve kriminale si dhe lidhjet e tyre përtej kufirit italian.
