Detaje të reja janë zbardhur sot nga “ferri” që përshkroi mbrëmë Komisariatin e Kamzës, ku mbeti i vdekur i arrestuari Arben Mici, 26 vjeç. Ndërkohë që i lënduar mbeti dhe i ndaluari Dilaver Idrizi, i cili pak ditë më parë ishte arrestuar në akuzën e vrasjes në tentativë ndaj bashkëshortes së tij. Gjithashtu u asfiksua edhe efektivi i policisë Hajredin Boja.
Sakaq, bëhet me dije se dy të ndaluarit kishin dalë ditën e djeshme përpara Gjykatës, ku iu ishte komunikuar masa e arrestit me burg dhe si pasojë e dënimit njëri prej tyre kishte kaluar në gjendje të rëndë psikologjike dhe dogji vetën, në atë moment flakë janë përhapur në të gjitha ambientet e komisariatit.
Pas shuarjes së zjarrit, grupi tashmë ka nisur procedurat dhe administrimin e provave të gjendura në vendngjarje. Gjithashtu edhe AMP( ish SHÇBA), pranë komisariatit nr 4 është përfshirë në hetime. Sipas burimeve një nga të ndaluarit ka vënë zjarrin, ndërsa ngjarja po hetohet edhe nga SHÇBA, për veprimet e kryera nga punonjësit që kanë qenë në shërbim. Në komisariatin nr 5 ka mbërritur edhe drejtuesja e prokurorisë Elisabeta Imeraj.
Viktima Mici kishte dhunuar nënën, dhe ishte arrestuar 4 ditë më parë. Gjykata e la në burg për dhunë në familje, pasi 26-vjrçari kushte ushtruar dhunë ndaj nënës edhe here te tjera Polici i lënduar si pasojë e flakëve në komisariatin nr 5 dhe i burgosuri Dilaver Idrizi aktualisht ndodhen në QSUT. Burime spitalore bëjnë me dije se Idrizi ndodhet në pavionin e “Djegie plastikës” ku po merr ndihmën mjekësorë. Sipas po të njëjtave burime ai është me djegie rreth 20%. Është duke marrë trajtim mjekësor Në urgjencën e sëmundjeve të brendshme po merr trajtim mjekësor punonjësi i policisë pasi ka probleme me fry marrjen. Mjekët e QSUT thanë se ai ka intosikacion nga tymi, por fatmirësisht është në gjendje stabël.
