Kreu i LSDM-së, Zoran Zaev pritet të marrë mandatin për krijimin e qeverisë së re në Maqedoni.
Zaev është drejtuar drejt Presidencës, pasi arriti të sigurojë 67 nënshkrime, përfshirë këtu 10 nga BDI-ja, 5 nga BESA dhe 3 nga Aleanca për Shqiptarët.
Zaev tha: “Kam në dorë 67 nënshkrime të deputetëve, të marr mandatin dhe të fillojmë bisedimet për qeverinë e re.”
Pas dështimit të negociatave ndërmjet VMRO DPMNE-së dhe BDI-së, Presidenti Gjorgji Ivanov ftoi në një takim liderët e të gjitha partive parlamentare dhe i njoftoi ata se mandatin për formimin e qeverisë do t’ia japë partisë ose koalicionit që do të sigurojë shumicë në Kuvend.
Pas takimit LSDM njofton se Ivanov pritet t’i japë mandatin Zaev nesër ose pasnesër.
