Arritja historike e Skënderbeut në Ligën e Europës, duke u kualifikuar për në fazën e grupeve pas kalimit të katër tureve radhazi, tregoi edhe një anë të errët që mbizotëron në ambientin sportiv shqiptar.
Asnjë urim nga klubet e Kategorisë Superiore për Skënderbeun! Një situatë e habitshme, pasi në fund të fundit klubi korçar përfaqëson futbollin shqiptar në arenën ndërkombëtare.
Përtej rivalitetit që mund të ekzistojë, sërish në të tilla situata, edhe klube në Europë që kanë pasur në historinë e tyre një “luftë” të përjetshme, i lënë mënjanë mëritë dhe urojnë kundërshtarin.
Mirëpo, në klubet shqiptare ende nuk ka një emancipim dhe kjo dallohet që te mungesa e një urimi. Gjithsesi, leksioni vjen nga klubi i Kategorisë së Dytë, KF Maliqi, që në faqen zyrtare në “Facebook”, i shprehte urimet më të përzemërta Skënderbeut për arritjen historike në kompeticionin e UEFA-s.
/Panorama/
