Deputeti i Partisë Demokratike, Xhelal Mziu, ka folur mbi situatën politike në PD, por dhe për gjyqin që i dha të drejtë grupit të Rithemelimit. Në një intervistë për mediat, ai u pyet se përse doli kundër Sali Berishës, Mziu tha se nuk ka dalë kundër askujt, dhe se punon çdo ditë për një PD të bashkuar.
Pjesë nga biseda:
Pyetje: Çfarë e bëri Xhelal Mziun të dalë kundër Sali Berishës?
Xhelal Mziu: Asgjë nuk ka ndryshuar mes meje dhe asnjë person brenda PD. Unë tentoj për të krijuar raporte të mira jo vetëm me ata brenda PD-së por edhe jashtë PD-së.
Pyetje: Pse i dolët kundër Sali Berishës?
Xhelal Mziu: Absolutisht si kam dalë kundër Sali Berishës. Unë nuk kam bërë asnjë prononcim kundër.
Pyetje: Pse morët pjesë në Kuvendin e 18 Dhjetorit?
Xhelal Mziu: Ishte Kuvendi i PD-së.
Pyetje: Po i 11-s?
Xhelal Mziu: Ishte një grupim, nuk ishte i certifikuar.
