Granit Xhaka së shpejti do të bëhet baba dhe dëshiron të jetë pran gruas së tij, madje është i gatshëm të lërë dhe disa ndeshje pa luajtur, pasi sipas tij ka gjëra më të rëndësishme se futbolli.
Mesfushori me origjinë shqiptare është në pritje të një fëmije nga bashkëshortja e tij Leonita Lekaj. Lindja pritet të ndodhë në mes të tetorit, kur do të jetë ndalesa e ekipeve kombëtare.
“Ka gjëra shumë më të rëndësishme dhe të veçanta në jetë sesa futbolli. Si për shembull të bëhesh baba. Me Seferoviç ndodhi e njëjta gjë, ne ramë dakord që ai të jepte gjithçka kundër Irlandës dhe më pas të linte ndeshjen tjetër, për t’u bashkuar me familjen. E njëta gjë do të ndodhë edhe me mua”, është shprehur Xhaka që do humbasë dy ndeshjet me Irlandën dhe Danimarkën, për kualifikueset e Europianit.
