I ftuar në “ABC e Mëngjesit“, ka qenë kreu i PD-së të Durrësit, Ferdinand Xhaferaj, teksa është shprehur se situata në Durrës ka nxjerrë “lakuriq” qeverisjen jo të mirë të kryeministrit Edi Rama.
Xhaferraj ka thënë se pavarësisht një klime jo shumë të qetë politike, në Durrës nuk do të ketë incidente. Sipas tij, PD i ka marrë të gjitha masat për të mos pasur problem në procesin zgjedhor.
Gjithashtu Xhaferraj ka shtuar se në Durrës çfarëdo profesioni të kesh, nuk je i rëndësishëm nëse nuk ke lidhje me Lefter Kokën dhe Ardian Çela.
“Nuk do ketë përplasje. Ne kemi marrë masat. Do instalojmë teknologjinë dhe kamerat. Në Durrës ka dalë lakuriq keqqeverisja e Ramës. Nga projektet 3D. Tek arkitekti i makthit Edi Rama. Nuk e di si do guxojnë kandidatët e PS të shkojnë në zonat rurale se nuk janë dukur fare. Braktisje. Qyteti i Durrësit zien. Do fitojmë më fuqishëm. Në Durrës nuk ka rëndësi se çfarë profesioni ke. Po nuk pate akses tek Lefter Koka dhe Ardian Çela je më keq.” ka thënë ndër të tjera Xhaferraj.
