Mininistri i Brendshëm Fatmir Xhafaj tha se Shqipëria dhe Italia duhet të nisin urgjentisht operacione të përbashkëta në luftën kundër kultivimit të kanabisit në të gjithë territorin e Shqipërisë.
Gjatë takimit me drejtuesit e misionit italian INTERFORZE, Xhafaj parashtroi prioritetet e detyrës së tij si dhe falënderoi palën italiane për kontributin e vazhdueshëm që jep për vendin tonë, veçanërisht mbështetjen ndaj strukturave të Policisë së Shtetit në luftën kundër krimit të organizuar.
Ndërsa Gjeneral Gennaro Capoluongo, Drejtor i Shërbimit të Bashkëpunimit Ndërkombëtar të Policisë italiane tha se Italia do ta mbështesë Shqipërinë në çdo hap dhe me të gjitha mjetet e nevojshme për përmbushjen e angazhimeve, të cilat janë me interes të përbashkët.
Gjithashtu gjatë takimit u diskutua nevoja për intesifikimin e shkëmbimet të informacionit në kohë reale dhe pjesëmarrja në hetime të përbashkëta, në mënyrë që lufta kundër kriminalitetit të jetë sa më efikase dhe e koordinuar.
