Sipas mediave serbe, Presidenti Aleksandër Vuçiç në një intervistë për të përditshmen e Sarajevës Dnevni Avaz ka thënë se Serbia do të ruajë paqen pa marrë parasysh se çfarë thotë dikush tjetër. Vuçiç është shprehur ditën e sotme se paqja në rajon duhet të ruhet me çdo kusht.
Sipas tij, Serbia fjalë për fjalë po hesht për të gjitha deklaratat politike. Ai tha se disa politikanë nuk e kuptojnë se një deklaratë e gabuar të çon në çmenduri.
“Ka shumë çmenduri në botë dhe çdo çmenduri në rajon do të ishte e tepërt, kështu që le të ruajmë paqen” – tha ai.
Ai tha se bota po kalon krizën më të keqe që nga Lufta e Dytë Botërore dhe shtoi se rajoni do të shohë krahun plotësisht të zgjatur të Serbisë. Vuçiç tha se Serbia ka mjaft grurë dhe miell për ta ndarë me vendet e rajonit.
