Ka dalë fotoja e autorit të ngjarjes së rëndë e ndodhur ditën e sotme në Tiranë, ku vëllai vrau vëllanë dhe gruan e këtij të fundit. Bëhet fjalë për Arsen Muskurtin, i cili vrau Dritan dhe Nora Muskurtin.
Sipas policisë, ngjarja ka ndodhur në rrugën “Islam Alla”, ku si pasojë e një konflikti familjar, Arsen Muskurti ka qëlluar me armë zjarri drejt vëllait të tij Dritan Muskurti, 44 vjeç, dhe bashkëshorten e tij Nora Muskurti.
Për pasojë çifti kanë mbetur të vdekur në vend, ndërsa krimi dyshohet të ketë zanafillë një sherr për një pronë të përbashkët të dy vëllezërve.
Shërbimet e Policisë kanë shkuar menjëherë në vendngjarje dhe po vijojnë kontrollin e zonës me qëllim kapjen e autorit.
Grupi hetimor nën drejtimin e Prokurorisë po punon për sqarimin e plotë të rrethanave të ngjarjes.
