51-vjeçari, Alban Meneri, i cili vrau fqinjin e tij Nikolin Staka, duke e goditur me grushte dhe shkelma, është lënë në burg nga Gjykata e Tiranës. Përpara togave të zeza 51-vjeçari nuk e ka mohuar konfliktin, por është shprehur se ai ka qenë në gjendje të dehur.
Por, ky pretendim I tij është hedhur poshtë nga akuza, pasi sipas prokurorisë nuk ka rezultuar se ai ka qenë I dehur kur është konfliktuar me viktimën.
Ngjarja ndodhi pasditen e 30 Korrikut në rrugën “Sulejman Pitarka” në kryeqytet, ku autori fillimisht do debatonte me një parukere.
Shkak i debatit u bë një vend parkimi që Meneri pretendonte se e zotëronte dhe se ishte pronë e tij.
Në këto momente ka dalë në dritare 56-vjeçari, Nikolin Staka me profesion mësues, e në përpjekje për të shuar konfliktin, viktima i ka kërkuar 51-vjeçarit të mos debatonte me një grua.
Meneri i ka kërkuar 56-vjeçarit Staka të vinte poshtë për ta sqaruar. Sapo viktima ka zbritur, është goditur me grushte në fytyrë e qafë, ku pas disa orësh si pasojë e hemoragjisë së brendshme humbi dhe jetën.
