Ministri i Jashtëm Ditmir Bushati ka reaguar përmes një postimi në Twitter lidhur me vrasjen e Oliver Ivanoviç duke e quajtur një goditje të tmerrshme të dialogut dhe stabilitetit në Kosovë.
“Vrasja e Oliver Ivanovic është një goditje e rëndë për dialogun, pajtimin dhe stabilitetin në Kosovë. Të gjitha palët duhet të qëndrojnë të qetë dhe të lejojnë që drejtësia të veprojë shpejt,” thotë Bushati në postimin e tij në Twitter.
Ivanoviç u vra sot në mëngjes para zyrës së tij në veri të Mitrovicës nga persona ende të panjohur. Ai u ekzekutua me së paku tre plumba teksa po hynte në zyrën e tij në Mitrovicë, ndërsa ndërroi jetë në spital për shkak të plagëve të marra. Kujtojmë se Ivanoviç është gjykuar për disa krime në veri të Mitrovicës.
