Arrestohet Ardian Djaloshi si autor dhe dy familjarë të tjerë për bashkëpunim në krim
Shtetasi Ardian Djaloshi pranon se e ka vrarë babin e tij Mirosh Djaloshi, pasi ai dhunonte të ëmën. Ngjarja ka ndodhur më 18 mars të këtij viti në fshatin Manzë të Durrësit, ku Mirosh Djaloshi u gjet i pajetë në afërsi të banesës nga fqinjët. Autori i vrasjes është i biri, Arban Djaloshi, u arrestua dy ditë më parë pasi ka pranuar krimin. Prokuroria ka njoftuar sot autori i dyshuar ka deklaruar se e ka kryer vrasjen, duke e goditur me sende të forta, për shkak se viktima ishte i alkoolizuar dhe keqtrajtonte nënën e autorit (bashkëshorten e viktimës).
Tre anëtarët e familjes Djaloshi u arrestuan me urdhër të Prokurorisë si autor dhe bashkëpunëtor në krim. “Prokuroria e Durrësit krijoi dyshime se autori i vrasjes së Miroshit gjendej mes familjarëve. Kjo pistë u forcua nga fakti se, gjatë veprimeve hetimore, rezultoi se viktima nuk kishte probleme me persona jashtë familjes.
Ndërsa, brenda familjes anëtarët kishin konflikte të vazhdueshme për shkak se Mirosh Djaloshi shkonte shpesh në shtëpi në gjendje të dehur”, sqaron prokuroria.
