Ish-deputeti i PD-së, Enkelejd Alibeaj, ka reaguar lidhur me përplasjen me armë sot në Kavajë, ku mbeti i vrarë një kalimtar.
Përmes një postimi në facebook, Alibeaj i shpreh ngushëllimet për familjen e viktimës, ndërsa shkruan se krimi sot nuk e ka më frikë qeverinë sepse ajo është zgjatim i tij.
“Një qytetar u vra sot në Kavajë, ndërsa ishte duke blerë bukë. Në mes të qytetit, në mes të ditës, përplasjet me armë terrorizojnë qytetarët. Krimi nuk e ka më frikë qeverinë sepse ajo është thjesht zgjatim i tij! Policia është e zënë me arrestime politike pasi krimi ka imunitet nga pushteti në Shqipëri. Zoti ua lehtesofte dhimbjen familjareve te Ramazan Hasanlliut. Sherim te shpejte te plagosurve,” shkruan Alibeaj në facebook.
