Elton Metaj, 31 vjeç ka vrarë ish bashkëshorten Sabrina Bega mbrëmë në Fier.
Por kush është Elton Metaj?
Ai ka qenë protagonist në vitin 2020, që ka të bëjë me ish bashkëshorten.
Ngjarja ka ndodhur në shtator 2020, në orën 23:00 në fshatin Zhupan të Fierit. Ai kishte hyrë në oborrin e shtëpisë së vjehrrit duke kërcënuar se do të vriste veten. Kjo ka terrorizuar familjarët duke vënë në rrezik jetën e tyre. Ama fatmirësisht u evakuuan nga policia.
Gjatë negociatave 31-vjecari ka qëlluar me armë zjarri në ajër. Ky veprim dyshohet të jetë marrë për të kërkuar largimin e efektivëve. Pas disa orësh më në fund është bindur të dorëzohet në orën 04:00 të mëngjesit. Elton Meta kishte shkuar në fshatin Zhupan, në oborrin e banesës së vjehrrit të tij. Me pas ka kanosur me një armë personat që ndodheshin aty. Më pas ka dalë në portën e oborrit e vilës dhe kërcënonte se do vriste veten.
Menjëherë në drejtim të vendngjarjes shkuan forcat speciale RENEA , FNSH dhe grupi negociator. E pranishme ishte edhe motra e 31-vjeçarit për të bindur të vëllanë që të dorëzohej. Policia për orë të tëra i bënte thirrje që të hidhte armën dhe të dilte.
Sipas prindërve të Eltonit ai kërkonte që të shihte vajzën të cilën ja kishte marrë bashkëshortja. Ndërkohë prindërit e Eltonit thonë nusja e tyre fliste me dikë në telefon. Kjo gjë u bë shkak për gjestin ekstrem të Eltonit.
