Lidhur me krimin që tronditi Greqinë, policia greke ka bërë të ditur se piloti dhe specialistë kanë deshifruar gjuhën e folur nga një nga tre kriminelët, pak para se të largoheshin nga vila në Glika Nera, Atikë.
Sipas policisë, megjithëse flisnin mjaft mirë greqisht, një prej tyre ka thënë një fjali në gjuhën shqipe. Gjithashtu, shenja ADN nga këpucë janë gjetur në vendin e krimit, ndërsa policia greke thanë se janë shumë afër identifikimit të të paktën një nga tre kriminelët.
Vjedhja me vrasjen e egër të nënës 20-vjeçare pranë foshnjës, në 11 maj, ka tepër ngjashmëri me atë të qershorit 2018 në zonën Alepohori, në familjen e instruktorit dhe kolegut të pilotit. Madje, policia greke po heton nëse të dhënat për të ardhurat dhe gjendjen e mirë ekonomike të pilotëve rrjedhin nga dikush i punësuar në aeroportin e helikopterëve dhe avionëve privatë në Megara.
