Lidhur me vrasjen e Nard Polia apo siç njihej ndryshe si “Nardi i Bujtinave”, kanë mbërritur sot në gjykatën e shkallës së parë në Shkodër tre të ndaluarit, të dyshuar si bashkëpunëtorë të autorit në vrasjen e 32-vjeçarit.
Bëhet fjalë për Gilbert Toma, Kleandro Toma dhe Alfred Martini, të cilët do të njihen me masën e sigurisë. Një ditë më parë ata kanë mohuar akuzat ndaj tyre por sipas policisë, të tre të arrestuarit kanë ndihmuar ekzekutorin e Nard Polisë me municione luftarake si dhe i kanë ofruar strehim.
