“Vrasja e gjyqtares Fildes Hafizi, ka ardhur si pasojë e një sistemi të degjeneruar të drejtësisë, i mbështetur dhe nga një mentalitet ku gruaja është fajtore”
Kështu ka shpjeguar Mesila Doda lidhur me vrasjen e gjyqatres Fildes Hafizi, ku theksoi se për këtë vrasje ekziston vetëm një përgjegjës që është tepër i dukshëm dhe ai është sistemi i korruptuar i drejtësisë.
E ftuar në emisionin “Opinion”, Doda tha se ditën kur ndodhi ngjarja, kishte parë shumë komente të njerëzve që shkruanin në lidhje me ngjarjen, në ato komente vije re një pjesë të mirë që ishin tronditur, por disa kërkonin edhe justifikim.
“Duke filluar që nga intervista e të vëllait të Fadil Kasemit, ku thoshte se gjestin nuk e justifikoi dot, por edhe ish bashkëshortja ka bërë ca gabime që e trajtoi vëllain kështu e ashtu. Ndërsa nga ana tjetër dëgjoje njerëzit tek shkruanin se mirë ja ka bërë pasi kjo e la e shumë gjëra të tjera”.
