Pas konfliktit me armë mes grupeve në qytetin e Laçit, humbën jetën dy të rinjtë, policia e Kurbinit ka identifikuar e shpallur në kërkim dy persona, të cilët dyshohen si autorë të vrasjes.
Raportohet se efektivët e policisë po punojnë për kapjen e shtetasve Markel Gjonbushi 25 vjeç dhe Vincens Pali (Bushi).
Mësohet se fillimisht sherri verbal ka nisur brenda ambienteve të një lokali dhe më pas ka degjeneruar në përplasje me armë ku kanë mbetur të vrarë dy kushërinjtë, të cilët u transportuan me urgjencë drejt Tiranës, por nuk arritën të mbijetonin për shkak të plagëve të marra.
Ende nuk dihen shkaqet e përplasjeve mes tyre, ndërsa hetimet janë shtrirë në disa pista.
