Shtyhet sërish seanca gjyqësore për vrasjen e Devi Kasmit, shqiptari i cili u ekzekutua muaj më parë nga një shtetasi grek Eftimius Eftimiu, i akuzuari kryesor.
Gjykatësi i çështjes Besnik Muçi deklaroi se shkak për shtyrjen e seancës u bë mungesa prokurorit mbrojtës, ndërkohë ende nuk dihet data e seancës së radhës.
Shtetasi grek dyshohet si ekzekutori i Devi Kasmit, ndërsa si porositës dyshohet të jetë Aurel Hoxhallari. Identifikimi i grekut u bë përmes kamerave të sigurisë por pavarësisht fakteve të paraqitura nga organi i akuzës shtetasi grek ka mohuar përfshirjen në vrasjen e Kasmit.
Eftimiu tha se në Shqipëri kishte ardhur për gjueti, pasi ai dhe miku i tij janë të apasionuar pas gjuetisë.
Gjithashtu ai shprehu ankesa për mënyrën se si transportohet nga paraburgimi në gjykatë, duke thënë se ai ndihej i pasigurt për jetën.
Motivi i vrasjes mbetet ende një mister i pazbardhur për hetuesit, por dyshimet e deritanishme flasin për përplasje mes grupeve kriminale.
