Mjekja e shëndetit mendor, Arjana Rreli ka folur në lidhje me vrasjen makabre të 70 vjeçares Firdes Çekiçit në Pogradec, nga i biri Olsi Çekiçi, i cili kishte probleme mendore për shkak se konsumonte lëndë narkotike.
Reli ftuar për rastin dhe koincidencën e krimeve të njëpasnjëshme të personave me probleme mendore, të cilët shpërthejnë dhe kryejnë këto krime makabre në verë, pra në gusht. Sipas saj temperaturat e larta tek sistemi nervor i personave me sëmundje mendore perceptohen si sulme ndaj organizmit, ç’ka i bën të pakontrollueshëm.
“Në fakt temperaturat e larta janë një stresor i fuqishëm i ambientit dhe një agresor për të gjithë organizimin tonë. Temperaturat e lartë përceptohet nga sistemi nervor i këtyre personave si sulm ndaj organizmit dhe padashje prish balancat, duke i çuar deri tek këto krime.
Përdorimi i lëndëve narkotike është një tjetër faktor rrisku që thellon problemet e personave të tillë”, tha Rreli në rubrikën “Opinion” në studion e lajmeve në Neës 24.
“Ka raste kur personi nuk e pranon që mund të jetë i sëmurë, këta janë ata që rrezikojnë për komplikacione të rënda si rasti në Bucimas. U tha që ishte përdorues i lëndëve narkotike, kjo sjell çrregullime të sjelljes. Dëmton jo vec personin por edhe ata që e rrethojnë.
Ka persona që tentojnë të vetëzgjidhin problemet e tyre me alkool, lënë narkotike por edhe me qetësues. Rastet që shpërthejnë kështu janë raste të patrajtuara, këta persona nuk pranojnë bashkëpunim, nuk hapin asnjë shteg që të bëhen aleatë për kurim. Mund të jenë në këtë fazë edhe persona që kanë filluar një trajtim dhe që e kanë ndërprerë më pas, ose ka ndërprerë lidhjen me specialistin. Suporti familjar është shumë i rëndësishëm”,- sqaroi ajo.
