Zbulohen detaje të reja nga vrasja e 34-vjeçarit Eri Zefi që ndodhi pasditen e djeshme në Mirditë.
Burime bëjnë me dije se viktima është ekzekutuar në vendin ku është gjetur i vrarë pikërisht në Zall Xhuxhe, ndërsa krimi është kryer disa orë para se trupi të zbulohej nga banorët e zonës.
Viktima ndryshe njihej me emrin Anton Zefi, ndërsa raportohet se pasaportizimin e ka në Adriatik të Laçit, ndonëse se viktima nuk ka jetuar asnjë ditë aty.
Ai jetonte në Durrës ishte i martuar dhe babai i një fëmije.
Për vrasjen e Zefit, policia ka shoqëruar disa persona dhe ka marrë në pyetje disa banorë të fshatit. Dyshohet se vrasja e Zefit ditën e sotme ka ndodhur për motive gjakmarrje.
Policia nuk përjashton mundësinë që Zefi të jetë marrë peng dhe të jetë vrarë.
