Kryetari i “ngrirë” i PD-së dhe kandidat për kryetar Lulzim Basha ka hedhur votën e tij në zgjedhjet për kryetarin e ri.
Basha ka votuar në selinë blu aty edhe ku është ngritur një qendër votimi, ku do të votojnë drejtuesit kryesorë të PD-së.
“Procesi po ecën në mënyrë të qetë dhe demokratike. PD dhe demokratët do të dalin më të fortë nga ky proces dhe të gatshëm për tu kthyer në forcën e parë të ndryshimit”, u shpreh Basha në fjalën e tij për mediat pas votimit.
Ai falënderoi edhe të gjithë demokratët që i kanë pritur në ditët e fushatës.
