Deputetët të Partisë Demokratike kanë theksuar se është thelbësore votimi dhe numërimi elektronik për zgjedhje të ndershme dhe të lira.
Kryetari i Grupit Parlamentar të Partisë Socialiste, Gramoz Ruçi ka këmbëngulur sërish se kjo kërkesë është e papërshtatshme, deri sa OSBE/ODIHR e kanë kundërshtuar që në fillim.
Ish-kryeministri Sali Berisha i është përgjigjur deklaratës së Ruçit, duke deklaruar se mazhoranca e refuzon votimin elektronik për të realizuar vjedhjen e radhës të zgjedhjeve.
Sipas Berishës, realizimi elektronik i procesit është i mundur dhe zgjidh një sërë problemesh që kanë karakterizuar zgjedhjet e kaluara.
“Me votimin elektronik zgjidhet përfundimisht votimi i emigrantëve. Të mobilizojmë fondet për të vendosur tabletat që kushtojnë shumë pak”, ka thënë Berisha.
