Shoqata për Kulturë Demokratike (SHKD) po ndjek me shumë vëmendje, gjithë diskursin politik në lidhje me premtimin në vite, që me finalizimin e Reformës Zgjedhore dhe Kodit Zgjedhor, do të realizohet për herë të parë, në zgjedhjet e 25 prillit 2021, e drejta kushtetuese për të votuar qytetarët që jetojnë jashtë territorit të Shqipërisë.
SHKD konstaton se ka një konfuzion dhe një mungesë të vullnetit politik për të ndihmuar e realizuar ligjërisht procesin e votës së emigrantëve, qe emigrantët të mund të votojnë ligjërisht janë të detyruar të regjistrohen duke deklaruar saktë vendbanimin e fundit ku jetojnë aktualisht, jashtë territorit të Shqipërisë.
Regjistrimi si votues jashtë territorit të Shqipërisë është proces që i paraprin regjistrimit në Komisionin Qëndror të Zgjedhjeve (KQZ) dhe duhet të kesh deklaruar dhe të kesh regjistruar vendbanimin jashtë shtetit që të regjistrohesh si votues jashtë territorit Shqipërisë.
Po ku duhet të regjistrohen emigrantët ???
Bazuar në Kodin Zgjedhor (neni 24) KQZ-ja udhëheq dhe mbikëqyr procesin për përgatitjen e kushteve dhe zbatimin e masave që mundësojnë votimin nga jashtë vendit në zgjedhjet për Kuvendin, për zgjedhësit që kanë vendbanimin e përhershëm jashtë territorit të Republikës së Shqipërisë, kanë të regjistruar në Regjistrin Kombëtar të Gjendjes Civile adresën e vendbanimit të përhershëm jashtë vendit dhe kërkojnë nga KQZ-ja që të pajisen me dokumentacionin e votimit nga jashtë.
Duke vërejtur që ky nen nuk është shterues në lidhje me mënyrën se si do të regjistrohen emigrantët për të deklaruar vendbanimn e tyre në Rregjistrin Kombëtar të Gjendjes Civile, SHKD i bën thirrje gjithë aktoreve politik dhe institucioneve të përfshirë në këtë proces të bëjnë transparencën maximale për të spjeguar qartë se si do bëhet procesi regjistrimi i vendbanimit të emigrantëve dhe cili do jetë institucioni përgjegjes nëper mbledhjen e këtij detyrimi ligjor dhe cila do të jetë pesha e votës së zgjedhesve që jetojnë jashtë territotit të Shqipërisë.
KQZ ka përgatitur draftin e aktit nënligjor për procedurat e regjistrimit të emigrantëve, por janë në pritje akoma të komenteve dhe dakortësisë nga partitë politike.
Shoqata për Kulturë Demokratike i bën thirrje KQZ-së, veçanërisht Komisionerit Shtetëror, që në këtë moment kyc të procesit zgjedhor, të mos lejojë bllokimin e punës së KQZ –së nga presionet e gjithë aktorëve të politikës majtas e djathtas, por t’i nxisë dhe t’i detyrojë ata të reagojnë sa më shpejt me një afat kohor konkret , për të ndihmuar gjithë strukturar përkatese të KQZ për ti dhënë zgjidhje ligjore shume pikëpyetjeve për mënyrën e realizimit të mundësisë së aplikimit të votës së emigrantëve SHKD nënvizon se nëse këto zgjidhje do të jenë sërish të minutës së fundit dhe me zvarritje të qëlimshme, shanset për të siguruar votën emigrantëve do të jenë minimaliste dhe drejtdështimit me vullnet të plotë politik.
Ndaj sa më shpejtë të jetë e mundur, të gjithë së bashku Komisioni Qëndror i Zgjedhjeve, Drejtoria e Përgjithshme e Regjistrit të Gjendjes Civile dhe Partitë Politike të gjejnë mekanizmin që si do të behet regjistrimi i vendbanimeve për emigrantët nëpërmjet aplikimit me e-albania apo me një link tëposaçëm nga KQZ , gjithmonë duke e garantuar fshehtësinë dhe sigurinë e votës për çdo emigrant që do të votojë. Koha e mbetur në dispozicion është vetëm dhe për votuesit brenda dhe jashtë territorit shqiptar. Të gjithë zgjedhësit që jetojnë jashtë territorit të Shqipërisë po presin të informohen sipas ligjit për të nisur proceduën e regjistrimit të vendbanimit, si garancia e parë, për të patur mundësi që të votojnë, ndaj të gjitha institucionet shtetërore të marrin të gjitha përgjegjësitë politike e morale të zbatojnë dhe respektojnë pa asnjë diskutim Kodin Zgjedhor në fuqi.
Shoqata për Kulturë Demokratike i bën thirrje liderave respektivë të kampeve politike, të reflektojnë e mos behën pengesë në punën e KQZ-së për të realizuar me sukses për të mundësuar realizimin e procesit të votës se zgjedhësve jashtë vendit dhe mos ta konsiderojnë si një instrument politik për të për mbushur qëllimet e tyre politike duke cënuar rëndë legjitimitetin e standartin e zgjedhjeve parlamentare, 25 Prill 2021.
Në të njëjtën kohë, SHKD falënderon dhe mbështet fortë komunitetin ndërkombëtar për të gjitha mesazhet e tyre drejtuar partive politike për ti sjellë në kujtesë detyrimin ligjor, në respekt të votuesit shqiptar, me banim brenda dhe jashtë territorit Shqipërisë, për lista të pastra e të hapura, për një garë të barabartë e konkuruese mes platformave politike, për realizimin e një fushate zgjedhore me mesazhe pozitive për votuesit si dhe një dialog kontruktiv midis kandidatëv dhe votuesve kudo që janë, duke berë transparencën e shpenzimeve dhe gjithë finacimeve të partive politike gjatë fushatës zgjedhore.
Mesazhet e komunitetit ndërkombëtar dhe komunitetit vendas, nuk duhet të besdisin asnjë nga palët politike, por duhen dëgjuar, lexuar e reflektuar me kujdes dhe mos harrojnë asnjëherë se kur nuk duan ta gjejnë konsensusin dhe dakortësinë e tyre politike, gjithmonë marrëveshjet për reforma të rendësishme, në selitë këtyre ndërkombëtareve e kërkojnë zgjidhjen e ngërceve politike.
Tiranë , më 4 Shkurt 2021.
