Deputetja demokrate, Albana Vokshi, dënoi skandalin seksual të kryebashkiakut të Dibrës, në emër të Lidhjes Demokratike të Gruas. Në një deklaratë për mediat, Albana Vokshi, tha se Lidhja Demokratike e Gruas së Shqipërisë i kërkon Prokurorisë hetim të plotë të abuzimeve në zyrat e shtetit
“Ju bëj thirrje familjeve shqiptare,aktivisteve të të drejtave të grave të mos heshtin, por të tregojnë kurajën e nënës që denoncoi rastin në Sarandë, të vajzës që tregoi abuzimet e kryetarit të bashkisë në Peshkopi, të gruas që denoncoi kryekomisarin në Velipojë. E gjithë shoqëria duhet të dalë nga indiferentizmi dhe të reagojë në mbrojtje të fëmijëve, grave dhe vajzave që abuzohen verbalisht, psikologjikisht, apo seksualisht në zyrat e rilindësve.”, tha Vokshi.
