Ish-deputetja demokrate Albana Vokshi ka akuzuar qeverinë se nuk ka marrë masa për organizimin e ditës së parë të shkollës, për të eliminuar grumbullimet e prindërve dhe të nxënësve.
Përmes fotove të publikuar në Facebook, Vokshi shkruan se realiteti është tërësisht ndryshe nga ai që prezantohet në fotot e kryeministrit Edi Rama.
“Propaganda e Kryeministrit Rama vs Realiteti në shkolla këtë fillim viti. Përkundët fotove të përzgjedhura nga Kryeministri, situata në shumë shkolla është krejt ndryshe. Kjo është shkolla Gustav Mayer në Tiranë. Mungesë organizimi nga ana e shkollës që ka cuar në grumbullime prindërish e nxënësish… asnjë mundësi për respektim të protokollit të sigurisë së shëndetit”, shkruan Vokshi.
