Vokshi denoncon: Teuta Dobi rilind si drejtoreshë në një shkollë tjetër, u shpërblye për angazhimin e saj politik

Ish-deputetja e PD-së, Albana Vokshi, nëpërmjet një postimi në rrjetet sociale ka bërë një denoncim lidhur me ish-drejtoreshën e gjimnazit “Sami Frashëri”, Teuta Dobi e cila u shkarkua për papërgjegjshmëri nga detyra pasi detyroi nxënësit të futeshin në godinën e shkollës, që rrezikonte të shembej nga tërmeti, edhe vetëm pas disa muajsh është emëruar si drejtoreshë në shkollën “Hasan Prishtina”.
Vokshi shprehet se Teuta Dobi u shpërblye për angazhimin e saj politik, teksa i shantazhonte gjimnazistët të mos bëheshin pjesë e protestave të studentëve për kushtet, cilësinë e mesimdhënies dhe tarifat e studimeve.
Ja postimi i plotë i Albana Vokshit:
“Emërimet #skandaloze të drejtuesve në shkolla.
Teuta Dobi ish Drejtoresha e Shkolles së Mesme “Sami Frashëri” rilind si Drejtoreshë në “Hasan Prishtina”.
E shkarkuar dy muaj më parë për papërgjegjshmëri në ushtrimin e detyrës, Teuta Dobit i fshihet në ministri skandali i post tërmetit të 26 nëntorit, ku detyroi nxënës e mësues të futen në godinën e shkollës që rrezikonte të shembej.
Teuta Dobi u shpërblye nga ministrja e Arsimit, pasi ajo me zë e figurë u denoncua nga nxënësit e “Sami Frashërit” teksa i shantazhonte të mos bëheshin pjesë e protestave të studentëve për kushtet, cilësinë e mesimdhënies dhe tarifat e studimeve.
Ministrja e Arsimit e riemëroi drejtoreshë në shkelje të hapur të rekomandimit të Avokatit të Popullit, pas hetimit të këtij rasti për shkelje të legjislacionit në fuqi dhe rregulloreve institucionale që burojnë prej tij.
Teuta Dobi, porsi nje “Komisare Drite e Partisë” riemërohet drejtoreshë e “Hasan Prishtinës” për kontribut politik të lartë!
Ky emërim #Skandaloz, dëshmon edhe një herë që me Edi #Ramën, Besa #Shahinin dhe drejtuesit militantë në arsim, shkollat nuk do të jenë më institucione arsimore, por filiale të PS-së.”