Ish-deputetja demokrate Albana Vokshi denoncon largimin nga detyra të Drejtoreshës së Operatorit të Shërbimeve të Kujdesit Shëndetësor, Mirela Hasanaj, nga Ogerta Manastirliu.
Përmes një postimi në Facebook, Vokshi pyet pse nuk ka transparencë nga Ministrja e Shëndetësisë, për largimin e drejtoreshës më të rëndësishme të cilës i kishte deleguar shumë kompetenca?
POSTIMI I VOKSHIT
Para disa ditësh është larguar nga detyra, Drejtoresha e Operatorit të Shërbimeve të Kujdesit Shëndetësor, Mirela Hasanaj. Shkaku nuk bëhet i ditur. Njoftimi i shpërndarë nga Ministria e Shëndetësisë është ai më poshtë.
Thuhet se largimi i saj lidhet me një video që i ka shkuar Ministres së Shëndetësisë e cila i ka kërkuar më pas dorëheqjen. Pse Ministrja Manastirlliu nuk bën publike videon?
Pse nuk bën transparencë për largimin e drejtoreshës më të rëndësishme të cilës i kishte deleguar shumë kompetenca?
Këtej prishin shtëpitë e ndërtuara me para djerse e gjaku, nga ana tjetër mbrojnë e mbulojnë shkelësit e ligjit dhe ekipin KÇK të shëndetësisë
