Një person ka rënë në prangat e policisë dhe 5 të tjerë janë proceduar penalisht në Vlorë.
Sipas uniformave blu mësohet se është bërë i mundur arrestimi i shtetasit D. Ç., 47 vjeç, banues në Vlorë, pasi dyshohet se ka vjedhur disa sende personale dhe një shumë parash të stafit pedagogjik të një shkolle në Himarë.
Ndërkohë janë proceduar penalisht për veprën penale “Plagosja e lehtë me dashje”, shtetasit: V. T., 61 vjeç, K. T., 27 vjeç (babë e bir), V. A., 53 vjeç dhe D. A., 26 vjeç (babë e bir), të katërt banues në Vlorë.
Pas një konflikti për motive të dobëta, kanë goditur njëri-tjetrin me grushte dhe sende të forta dhe si pasojë është dëmtuar shtetasi V. A., i cili ndodhet në spital, jashtë rrezikut për jetën.
Njoftimi i plotë:
Arrestohet në flagrancë 1 shtetas dhe procedohen penalisht 5 të tjerë, për vepra të ndryshme penale.
Specialistët për Krimet në Komisariatin e Policisë Himarë arrestuan në flagrancë shtetasin D. Ç., 47 vjeç, banues në Vlorë, pasi dyshohet se ka vjedhur disa sende personale dhe një shumë parash të stafit pedagogjik të një shkolle në Himarë.
Po nga specialistët për Krimet në Komisariatin e Policisë Himarë, në vijim të punës për kontrollin e territorit, për zënien e hapësirave publike dhe goditjen e rasteve të ndërtimeve të paligjshme, është proceduar penalisht shtetasja:
R.B., pasi është konstatuar se kishte zënë hapësirën publike në Jalë, duke vendosur një strukturë prej druri, pa lejen e organeve përkatëse.
Specialistët për Krimet në Komisariatin e Policisë Vlorë proceduan penalisht për veprën penale “Plagosja e lehtë me dashje”, shtetasit: V. T., 61 vjeç, K. T., 27 vjeç (babë e bir), V. A., 53 vjeç dhe D. A., 26 vjeç (babë e bir), të katërt banues në Vlorë.
Këta shtetas, ditën e djeshme, pas një konflikti për motive të dobëta, kanë goditur njëri-tjetrin me grushte dhe sende të forta dhe si pasojë është dëmtuar shtetasi V. A., i cili ndodhet në spital, jashtë rrezikut për jetën.
Materialet u referuan në Prokurorinë pranë Gjykatës së Shkallës së Parë Vlorë, për veprime të mëtejshme.
