Policia ka arrestuar Armando Pashën, pasi akuzohet se është autor i grabitjes të një bankomati në zonën e Kamzës 8 vite më parë. Në vitin 2014, Armando Pasha ka tentuar të vjedhje bankomatin e një filiali bankë në Kamëz, ndërkohë që së fundi ka rënë në pranga në kuadër të operacionit “Chips”.
Zbardhja dhe dokumentimi me prova ligjore erdhi 8 vitesh hetime nga Sektori i Krimeve të Rënda ndaj Jetës dhe Pronës. Armando Pasha është banues në Durrës, ndërkohë që më herët ka qënë i dënuar për vepra penale në fushën e narkotikëve, në Francë dhe në Itali.
Sipas policisë, 38-vjeçari Pasha me 28 qershor 2014, ka tentuar të vjedhë në bankomatin e filialit të një banke në Kamzë, nëpërmjet përdorimit të një sendi të ngjashëm me kartën bankare.
Pas kësaj ngjarje ndaj Pashës janë ngritur akuza për vjedhjen e bankave dhe e arkave të kursimit.
