Një 27-vjeçar është arrestuar nga policia në Bulqizë pasi ishte shpallur në kërkim për vjedhje. I riu i identifikuar me inicialet L.L., dyshohet se në bashkëpunim me një tjetër kanë vjedhur 50 kg naftë dhe një bateri gjeneratori pranë antenave të kompanive celulare në Fushë Bulqizë.
Njoftimi i policisë/ Bulqizë
Bie në prangat e policisë një tjetër shtetas i shpallur në kërkim për Vjedhje.
Specialistët për Krimet në Komisariatin e Policisë Bulqizë, në vijim të punës për parandalimin dhe zbardhjen e vjedhjeve të ndodhura më parë, identifikimin, kapjen dhe vënien e autorëve para përgjegjësisë penale, kanë kapur dhe ndaluar shtetasin:
– L. L., 27 vjeç, banues në Bulqizë, pasi dyshohet se në bashkëpunim me një shtetas tjetër (në kërkim), pranë antenave të kompanive celulare në Fushë-Bulqizë, kanë vjedhur rreth 50 kg lëndë djegëse (naftë), dhe një bateri gjeneratori.
Materialet procedurale i kaluan Prokurorisë së Rrethit Gjyqësor Dibër, për veprime të mëtejshme.
