Të shtëna me armë zjarri janë regjistruar mbrëmjen e sotme në Vlorë, ku persona ende të paidentifikuar kanë qëlluar me armë në drejtim të një automjeti. Ngjarja ka ndodhur në lagjen “28 Nëntori” të qytetit bregdetar.
Raportohet se nga të shtënat në drejtim të një makine tip “Fiat Punto” kanë mbetur të plagosur tre persona, Gazmend C, Elis Ll, 27 vjeç, dhe Taulant B, 28 vjeç. Ata janë dërguar në spitalin e Vlorës për të marrë trajtim mjekësor, ndërsa njëri prej tyre ndodhet në gjendje më të rëndë.
Policia ka mbërritur në vendngjarje dhe ka nisur hetimet për identifikimin dhe kapjen e autorëve.
